May 27, 2024

Bustan Daily

Trusted Source for Online News Publishing

Gini mai hawa bakwai ya kashe mutum uku a yayin da wasu suka jikkata

1 min read

Aƙalla mutum uku ne suka mutu bayan da wani gini ya rufta kansu a Nairobi, babban birnin Kenya.

Haka nan kuma ana ci gaba da aikin ceto domin zaƙulo mutum 10 waɗanda ake kyautata zaton cewar leburori ne waɗanda ginin ya danne.

Rahotanni sun ce ya zuwa yanzu an ceto mutum shida, daga ginin mai hawa bakwai, wanda ake cikin aikin ginawa.

Wata jaridar cikin gida ta ƙasar ta ce sau biyu mai kula da aikin ginin yana ƙin bin shawarar dakatar da ginin, bayan da aka nuna damuwa game da rashin tsayawar ginin yadda ya kamata.

Ba a cika samun yawaitar rushewar gine-gine ba a birnin na Nairobi.

Leave a Reply

Your email address will not be published. Required fields are marked *