May 28, 2024

Bustan Daily

Trusted Source for Online News Publishing

An fara Binciken Mijin Da Ya Kashe Matarsa Kan Burodi

2 min read

Gwamnatin Jihar Anambra ta ce za ta fara gudanar da bincike kan zargin yadda wani mutum da kashe matarsa a kan burodi.

Kwamishinar Mata da Walwala ta jihar, Misis Ify Obinabo ce, ta bayyana hakan a ranar Laraba a Awka, bayan ganawarta da mahaifiyar matar da aka kashe.

Gwamnatin ta cw ba za ta yi shiru kan wannan lamari ba, dole a gudanar da bincike tare da kammala shi cikin kankanin lokaci,” in ji ta.

Jaridar Bustandaily ta ruwaito cewa wani bidiyo ya karade kafafen sada zumunta, wanda a ciki aka nuna wani mutum yana jibgar matarsa a kan burodi, lamarin da ya yi ajalinta nan take.

Kwamishinar ta ce ya kamata mata su fahimci cewa lokaci ya yi da za su fito fili don yaki da cin zarafi da ake musu a gidajen aure.

Sai dai mahaifiyar marigayiyar, Misis Cordelia Anene, ta yi zargin cewar surukin nata ya tsere bayan aikata laifin.

Ta roki gwamnati da ta yi bincike don yi wa ’yarta adalci.

Anene ta ce, “Mijinta ya yi ajalinta saboda ta cinye burodin da ya saya wa ’ya’yansa.

“Ransa ya baci saboda lokacin da yaran suka bukaci cin burodin suka ga babu shi ne ya hada kanta da jikin mabudi ya kuma bar ta cikin mummunan yanayi.

“Kwanaki kadan da faruwar lamarin aka kwantar da ita a Asibitin Koyarwa na UNTH da ke Inugu, wanda a nan likita ya tabbatar da rasuwarta.”

Ta ce sun mika gawar don gudanar da bincike, amma abun mamaki dan sandan da ke kula da lamarin, ya bukaci da su janye karar da suka shigar.

Leave a Reply

Your email address will not be published. Required fields are marked *