May 27, 2024

Bustan Daily

Trusted Source for Online News Publishing

Mutum 16 ne suka rasa rayukansu a kauyen Mushu yayin da wasu da dama suka jikkata

1 min read

Kakakin rundunar ‘Operation Safe Haven’ da ke aikin wanzar da zaman lafiya a jihar, Kyaftin Oya James ne, ya tabbatar wa Aminiya faruwar lamarin.

A cewar Kyaftin James, an kai harin ne a daren ranar Asabar yayin da mazauna yankin ke tsaka da barci.

Ya kara da cewa, “bayan harin, an tura jami’an tsaro domin dakile rashin doka da oda a yankin. Amma an shawo kan lamarin.”

A halin da ake ciki, Gwamna Caleb Manasseh Mutfwang ya yi Allah-wadai da harin.

A wata sanarwa da Daraktan Yada Labarai da Hulda da Jama’a na Gwamnan, Gyang Bere ya fitar, ya ce gwamnan ya umarci hukumomin tsaro da su gaggauta kamo wadanda suka kai harin tare da tabbatar da sun fuskanci doka.

Bare, ya ce gwamnan ya nuna matukar damuwarsa kan lamarin, inda ya bukaci al’umma a fadin jihar da su sanya ido sosai, tare da kai rahoton duk wani abun zargi ga jami’an tsaro domin daukar matakin gaggawa.

Ya ce: “muhimmancin hadin gwiwa tsakanin al’ummomin karkara, abu ne mai matukar amfani kuma akwai bukatar mutane suke bai wa jami’an tsaro hadin kai don fatattakar ‘yan ta’adda.”

Leave a Reply

Your email address will not be published. Required fields are marked *